სვანური მარილის მომზადების წესი

1. გაატარეთ ნიორი და თესლგამოცლილი წიწაკა ხორცსაკეპ მანქანაში. თუ სუნელები დაფქული არ არის, შეგიძლიათ ისიც მანქანაში გაატაროთ ნიორთან ერთად. ნივრის სისველე მათ გატარებას აადვილებს.
2. ყველა ზემოთ ჩამოთვლილი სუნელი შეურიეთ 1 კგ მარილს, კარგად აურიეთ და მეორეჯერ გაატარეთ მასა ხორცსაკეპში.
3. თუ ნედლ წიწაკას გამოიყენებთ, მარილი უფრო სველი კონსისტენციის გამოვა (მე მომწონს ), თუმცა ხმელი წიწაკის გამოყენებისას ასევე სველი რჩება, ნივრის ხარჯზე.
4. გაითვალისწინეთ, რომ ხმელი ქინძი საკმაოდ მძაფრი არომატის სანელებელია, ამიტომ, თუ მისი დიდი მოყვარული არ ხართ, შეგიძლიათ მისი რაოდენობა თავად დაარეგულიროთ.
5. ასევე ზოგი მარილს ამატებს ძირასაც, შეგიძლიათ თქვენც სცადოთ.
6. მზა მარილი შეინახეთ მინის ქილაში მჭიდროდ თავდახურული, კარგი იქნება თუ ქილას კიდევ ცელოფნის პარკში გაახვევთ, რადგან ძალიან მძაფრი სურნელი აქვს და ვრცელდება მთლიან კარადაში.
7. ბევრი ნივრის გარჩევის შემდეგ, ხშირია თითის წვერებში წვის შეგრძნება, ეს რომ აიცილოთ, შეგიძლიათ ცოტ-ცოტა გაარჩიოთ ხოლმე ან ჩაყაროთ ნივრის კბილები წყალში 1-2 საათით, რის შემდეგაც ადვილად გასძვრება კანი.
8. ასევე წიწაკაც იწვევს წვის შეგრძნებას, ამიტომ კარგი იქნება ერთჯერადი თხელი ცელოფნის ხელთათმანები გამოიყენოთ (მაგალითდ სამედიცინო ხელთთმანები)
9. ასევე შეეგუეთ აზრს რომ მარილის გაკეთების შემდეგ 1-2 დღე თქვენს სამზარეულოში ნივრის და წიწაკის სურნელი იტრიალებს :)
10. ყოველდღიური გამოყენებისთვის მარილი პატარა თავახურულ ქილაში იქონიეთ, რადგან ჰაერზე ღიად დატოვებისას არომატს კარგავს და შრება.